Жобаның мақсаты:

Бастауыш сынып оқушыларының оқу жылдамдығын арттыру, мәтінді түсініп оқу дағдыларын қалыптастыру, шығарманы талдау және мазмұнын меңгеру қабілеттерін дамыту.

Жобаның мазмұны:

“Жылдам оқу сайысы” жобасы 1–4 сынып оқушылары арасында ай сайын, әр айдың соңында ұйымдастырылады.

Әр сыныптан “Үздік оқырман” атанған оқушылар таңдалып, сайысқа қатысады. Қатысушылар таңдалған шығарманы 1 минут ішінде мәнерлеп, дұрыс әрі жылдам оқиды.

Оқудан кейін шығарма мазмұны бойынша сұрақтарға жауап береді. Бұл кезең оқушының тек оқу жылдамдығын ғана емес, мәтінді түсіну деңгейін де анықтауға мүмкіндік береді.

Сайыс кезеңдері:

            1.         Іріктеу кезеңі (сыныпішілік):

Әр сыныпта үздік оқырмандар анықталады.

            2.         Негізгі сайыс (сыныпаралық):

Таңдалған оқушылар шығарманы 1 минут ішінде оқиды.

            •          Оқу жылдамдығы

            •          Дұрыстығы

            •          Мәнерлеп оқуы

            •          Мазмұнды түсінуі бағаланады

            3.         Қорытындылау және марапаттау:

Сыныпаралық нәтижелер шығарылып, жеңімпаздар ай сайын марапатталады.

Бағалау критерийлері:

            •          Сөздерді дұрыс, қатесіз оқу

            •          Минуттық оқу көрсеткіші

            •          Мәнерлеп оқу шеберлігі

            •          Сұрақтарға нақты әрі толық жауап беру

Күтілетін нәтиже:

            •          Оқушылардың оқу техникасы жақсарады

            •          Мәтінді түсіну деңгейі артады

            •          Кітап оқуға деген қызығушылық қалыптасады

            •          Сыныптар арасында салауатты бәсекелестік орнайды

Қорытынды:

“Жылдам оқу сайысы” жобасы бастауыш сынып оқушыларының білім сапасын арттыруға, функционалдық сауаттылығын дамытуға және кітап оқуға деген сүйіспеншілігін қалыптастыруға бағытталған тиімді білім беру бастамасы болып табылады.